|
Fonte
de pedra en Valiñas
Cartel
da Festa do Gaiteiro do ano 1986
Portada
do libro sobre o mosteiro de A.Rodríguez Fraiz
"Arginas"
(canteiros) traballando, de Xesús Muras
Cartel
de "Mamasunción" de Chano Piñeiro
|
|
RUTAS
Paraxes de visita obrigada son, en terras de Forcarei, os que a seguir
se sinalan:
-
Ruta das Pontes do Lérez:
sendeiro que, polo seu interese turístico e
etnográfico, se desenvolve máis polo miúdo noutro capítulo desta guía.
-
Serra do Candán: un dos vinte e seis espacios de protección
medioambiental da provincia de Pontevedra. Posúe paisaxes fermosamente
conformados por unha sucesión de montes e vales que agochan endemismos
vexetais e zonas hidromorfas de considerable valor natural. Conta
ademais coa máxima elevación do concello e unha das maiores da
provincia, o alto de San Benito (1.017 m). Son diversas as rutas que se
poden practicar no territorio que abrangue a serra.
-
Lagoa Sagra: esta lagoa e o seu contorno tamén figuran
como espacio de protección medioambiental na provincia. Localízase nos
límites coas terras de Silleda e A Estrada, na parroquia de Meavía, e
á súa riqueza medioambiental engade a súa riqueza arqueolóxica, por
se situar ó pé dunha zona de mámoas (Mámoa de Boi Morto). É a
principal lagoa natural de media montaña de Pontevedra. Este espacio e
mais o da Serra do Candán foron incluidos na proposta galega de lugares
de interese natural para a Rede Natura 2000.
-
Ponte Gomaíl: entre Gaxín e Castrelo atópase esta fermosa
ponte románica, nun terreo onde abondan os carballos, bidueiros,
salgueiros, uces e xestas, arroupando un dos sosegados salóns do Lérez,
que discorre aquí en silandeira viaxe, despedíndose das terras
forcaricenses.
-
Aldea de Grobas: aldea illada e abandonada no medio da serra do
Candán, nun atractivo e apacible val que a converte nun dos
emprazamentos paisaxísticos máis agraciados. Encrávase nunha gorxa
por onde transcorre o río Grobas, afluente do Deza que nace no Candán.
É un punto idóneo para as excursións de montaña, e forma parte de
dous dos sendeiros máis característicos que se poden emprender na
zona. Cara a Bustelos, aldea de Lalín, sobrevive un vedraño camiño
enlousado polas faldras da serra.
-Ponte Maril: a carón da ponte que encetara o canteiro Maril
localizamos hoxe unha das máis fermosas paraxes do concello, albergando
as instalacións do acampamento xuvenil que leva o seu nome, en perfecta
harmonía coa vexetación que medra ó pé do río e ofrecendo tódolos
veráns ós pequenos turistas que se nos achegan a posibilidade de
disfrutar do mellor lugar de acampada de media montaña que se poida
atopar en Galicia.
-
Na Serra do Candán, cabe a posibilidade de realizar varias
rutas de considerable atractivo natural e etnográfico:
1-
Saída desde o mosteiro, seguiendo o caudal deo río Leréz ata Andón e
desde Andón hacia o lugar de Pereira onde se produce a confluencia dos
ríos(Umia e Leréz) e desde alí de volta hacia o mosteiro.
2-
Saída desde o mosteiro, hacia o lugar de Masgalán onde se poden ver
os lugares denominados “as neveiras”, desde alí ata o cume de Seixiños
Brancos, Porto Candán, cume de San Benito, a aldea illada de Grobas e
Bustelos. Este tramo mide 11km.
3-
Saída desde o mosteiro, hacia o Candán, a aldea illada de Grobas, A
Noveliza, Rochela, Vilaverde e o lugar de Fixó en Millerada.
LUGARES DE
INTERÉS
- A Freixeira
Área recreativa situada
no lugar de Cachafeiro.
- O Cotelo
Área recreativa situada
no lugar de Ponte.
|
|